Det som konsekvensutgreiinga for vindkraft på Stadhalvøya ikkje seier noko om
I morgon 31. august er det varsla start på bygginga av Okla vindkraftverk på Stadhalvøya; 5 turbinar og 4 km veg skal sprengast fram i eit landskap av internasjonal tyding.
![](https://harvestmag.imgix.net/images/Stadlandet-Pan.jpg?auto=compress%2Cformat&fit=clip&fm=jpg&q=80&sharp=10&w=400&s=8164e8a42d267cbcaf7e6f9cf17e042b 400w, https://harvestmag.imgix.net/images/Stadlandet-Pan.jpg?auto=compress%2Cformat&fit=clip&fm=jpg&q=80&sharp=10&w=650&s=7dbdd628415ffca5cf5febefe39e798d 650w, https://harvestmag.imgix.net/images/Stadlandet-Pan.jpg?auto=compress%2Cformat&fit=clip&fm=jpg&q=80&sharp=10&w=900&s=dd09d50a660c0f43d1605bf8307be449 900w, https://harvestmag.imgix.net/images/Stadlandet-Pan.jpg?auto=compress%2Cformat&fit=clip&fm=jpg&q=80&sharp=10&w=1150&s=264da81ee403246531b596c580824b37 1150w, https://harvestmag.imgix.net/images/Stadlandet-Pan.jpg?auto=compress%2Cformat&fit=clip&fm=jpg&q=80&sharp=10&w=1400&s=156dc59ee34e3f3387dab268eea63d34 1400w, https://harvestmag.imgix.net/images/Stadlandet-Pan.jpg?auto=compress%2Cformat&fit=clip&fm=jpg&q=80&sharp=10&w=1650&s=7e364df241e4d383da7913570c705de0 1650w, https://harvestmag.imgix.net/images/Stadlandet-Pan.jpg?auto=compress%2Cformat&fit=clip&fm=jpg&q=80&sharp=10&w=1800&s=ddcce8d439f18824384ec22d7d6cd7bf 1800w)
Stadlandet: Honningsvåg til venstre. På nordsida, over fjellet for Honningsvåg, ligg bygdene Eltvik og Tungevågen (med naturresservatet) og Borgundvågen, der den 4 km lange vegen skal starte opp mot platået – og vindkraftverket «Okla»). Vestkapp-platået i front, med Ervik på høgre side og Hoddevik lengst til høgre. Midt på biletet, i fordjupinga mellom platåa, ser vi det verna Dalsbøvassdraget. «Okla» vil kome imellom det verna vassdraget og det freda naturresservatet i Tungevågen. Platået si karakteristiske form, berggrunn, jordsmonn og artsrikdom er svært særmerka og av nasjonal interesse. Det tyder på at det var isfritt under sist istid. «Okla» vil vere syneleg frå alle høgdedraga på Stadtplatået, frå Vestkapp, fleire av bygdene, og frå skipsleia.
Foto: John KråkenesDet skjer trass i at Stortinget 19. juni ba om ny gjennomgang av denne og andre førebels ubygde konsesjonar. Utbyggjar er det italiensk-eigde firmaet Falck Renewables AS. Energivinsten er marginal, og kan aldri vege opp for tap av unik naturarv – og eit rikt kapittel i norsk kystkulturhistorie.
Ei gamal segn vil ha det til at Olav den heilage ein gong fekk vatnet til å stige, slik at han kunne sigle over Dragseidet på Stadlandet, og slik sleppe bort frå blødtørstige fiendar. Segna formidlar noko om kor farleg Stadhavet har blitt opplevd, gjennom alle tider. Namnet Dragseidet stammar frå at sjøfarande i styggevèr nettopp drog båtane sine over eidet langs den gamle ferdavegen, for å sleppe å sigle rundt Stadt. I Heimskringla, av Snorre Sturlason, kan vi lese at det var her Olav Tryggvason kristna fire fylkjer i 997. Eit steinkross er reist som minnemerkje. Folket fekk valet mellom å late seg døype, eller halde slag.
![](https://harvestmag.imgix.net/images/Stadlandet-Grotroysa-Okla-rett-over-1.jpg?auto=compress%2Cformat&fit=clip&fm=jpg&q=80&sharp=10&w=400&s=0ea810e3c3e5c726b41803fe42325c67 400w, https://harvestmag.imgix.net/images/Stadlandet-Grotroysa-Okla-rett-over-1.jpg?auto=compress%2Cformat&fit=clip&fm=jpg&q=80&sharp=10&w=650&s=3716f7a4c006a3e39e147eef9a31f370 650w, https://harvestmag.imgix.net/images/Stadlandet-Grotroysa-Okla-rett-over-1.jpg?auto=compress%2Cformat&fit=clip&fm=jpg&q=80&sharp=10&w=900&s=75ac15e66e3527707752c4708db810af 900w, https://harvestmag.imgix.net/images/Stadlandet-Grotroysa-Okla-rett-over-1.jpg?auto=compress%2Cformat&fit=clip&fm=jpg&q=80&sharp=10&w=1150&s=25096f7983856edb27e87d01e6eafd93 1150w, https://harvestmag.imgix.net/images/Stadlandet-Grotroysa-Okla-rett-over-1.jpg?auto=compress%2Cformat&fit=clip&fm=jpg&q=80&sharp=10&w=1400&s=5d5233677031528e5ceb6e11d72a5dab 1400w, https://harvestmag.imgix.net/images/Stadlandet-Grotroysa-Okla-rett-over-1.jpg?auto=compress%2Cformat&fit=clip&fm=jpg&q=80&sharp=10&w=1650&s=62dc70d321875c36f80eb277253ea060 1650w, https://harvestmag.imgix.net/images/Stadlandet-Grotroysa-Okla-rett-over-1.jpg?auto=compress%2Cformat&fit=clip&fm=jpg&q=80&sharp=10&w=1800&s=4bd4d0f6b3be3f5309c531aabc3711b4 1800w)
Grøtrøysvatnet er eit mykje nytta turområde. Fjellørreten i vatnet er svært vàr, og forholdsvis stor. Turbinane er planlagt reist på hellinga rett over vatnet.
![](https://harvestmag.imgix.net/images/Stadlandet-Dragseidet.jpg?auto=compress%2Cformat&fit=clip&fm=jpg&q=80&sharp=10&w=400&s=564a1954db11f664a85756b94c658a19 400w, https://harvestmag.imgix.net/images/Stadlandet-Dragseidet.jpg?auto=compress%2Cformat&fit=clip&fm=jpg&q=80&sharp=10&w=650&s=2c0de07b0ea68c5e6375d9f80ebc5b7e 650w, https://harvestmag.imgix.net/images/Stadlandet-Dragseidet.jpg?auto=compress%2Cformat&fit=clip&fm=jpg&q=80&sharp=10&w=900&s=0ffb1b0f6b9b8d498687d1882885b8fc 900w, https://harvestmag.imgix.net/images/Stadlandet-Dragseidet.jpg?auto=compress%2Cformat&fit=clip&fm=jpg&q=80&sharp=10&w=1150&s=a0dff7a9466c2f16df4e33591888252c 1150w, https://harvestmag.imgix.net/images/Stadlandet-Dragseidet.jpg?auto=compress%2Cformat&fit=clip&fm=jpg&q=80&sharp=10&w=1400&s=20f0282a770bef7831c8a45dffa341f9 1400w, https://harvestmag.imgix.net/images/Stadlandet-Dragseidet.jpg?auto=compress%2Cformat&fit=clip&fm=jpg&q=80&sharp=10&w=1650&s=b6b51a00ad719d510ecdd5d3ca92ae7a 1650w, https://harvestmag.imgix.net/images/Stadlandet-Dragseidet.jpg?auto=compress%2Cformat&fit=clip&fm=jpg&q=80&sharp=10&w=1800&s=33a9664f4405f551f9c394b24c2c968e 1800w)
Olavskrossen på Dragseidet, der Olav Tryggvason kristna fyre fylkjer i 997. Minnesmerkjet reist i 1913.
Med sitt særeigne og storslagne landskap, har Stadt vore eit kjend landemerke i alle tider. Naturverdiane på Stadhalvøya vert vurdert som av stor nasjonal tyding knytt til landskap, biologisk mangfald og kulturminne. Halvøya kan by på naturreservat og verna vassdrag, ein heil katalog av utdøyingstrua artar og verneverdige naturtypar, og ho kan by på trekk- og overvintringsområde for fugl i hopetal. Stadlandet vert føreslått verna som heilskap i ein rapport frå Miljødirektoratet til Klima- og miljødepartementet i mai 2019.
Den vesle halvøya, forma som ein traust knyttneve ut mot storhavet, har lege der urørt i tusenar av år – i storm og i stille, og innehar ein sjelsetjande porsjon Noregshistorie, segn og minne på både godt og vondt. Kor mange skipsvrak som ligg på havdjupet utanfor eit av Noregs mest vèrharde sjøstykker, er uvisst. Ei rekke gjenstandar som truleg stammar frå skipsforlis, er funne i Erviksanden. I tårnet på kapellet i bygda Ervik heng skipsklokka frå hurtigruteskipet St. Svithun, som som vart bomba av britiske fly og forliste utanfor Hovden i 1943. Bygdefolket utførte eit imponerande bergingsarbeid, og kapellet vart reist som takk for stort heltemot. Ei trosse over til Kobbholmen berga mange liv, før båten vart overtent. Ervik har ei rik historie å fortelje. Soga om Lodin frå Ervik og kona hans, Gyda, er rikt skildra i ei islandsk handskrift frå ca. 1390. Dei var med på å skape Noregshistorie på slutten av 900-talet.
Bygdene ytst på Stadt har ei sterk kulturhistorie knytt til Stadhavet som næraste nabo. Folket måtte leve med uvissa i kvardagen; havet gav og havet tok. Det gjorde folket sterke, men også audmjuke for livets lunefullhet. Fiske var, saman med dei små jordlappane, den viktigaste næringsvegen. Fjellområdet på Stadplatået vart eit viktig knytepunkt – der stiar enno viser den store ferdselen som var mellom bygdene. Fjellområdet var – og er – eit tydingsfullt næringsgrunnlag som beiteområde for buskap. Terrenget er lett tilgjengeleg, ope og skoglaust, variert mellom grasmark, myr og lyng. Stadlandet liknar vesterhavsøyane; fjellplatå med bratte klipper mot havet, grønt og artsrikt lågland, kystlynghei og myrlandskap.
Losane hadde ei viktig rolle, sidan det i tida før 1870 ikkje var ei einaste fyrlykt mellom Kinn og Runde. Historia fortel at losane på Stad nytta lyden på dei ulike falla på bølgene til å rekne ut kor langt borte frå skjera skipet segla. Det var eit farleg yrke. Ei historie fortel om fire unge losdrengar som omkom ved «Stålet» under berginga av ei seglskute i 1849. Den gode hamna i bygda Honningsvågen, førte med seg at fiskelag frå bygdene på Stadt heldt til her i sesongane. Det var eit yrande liv i den vesle bygda. Særskilt sildefisket på 50-talet går det gjetord om den dag i dag.
![](https://harvestmag.imgix.net/images/Stadlandet-Ervika.jpg?auto=compress%2Cformat&fit=clip&fm=jpg&q=80&sharp=10&w=400&s=7f98649eb5201766d718cd34c529b27a 400w, https://harvestmag.imgix.net/images/Stadlandet-Ervika.jpg?auto=compress%2Cformat&fit=clip&fm=jpg&q=80&sharp=10&w=650&s=fd6522cb692c91aa0042b2f5b47a41c9 650w, https://harvestmag.imgix.net/images/Stadlandet-Ervika.jpg?auto=compress%2Cformat&fit=clip&fm=jpg&q=80&sharp=10&w=900&s=d976855fef3ac6f08666d96b1d0e6dde 900w, https://harvestmag.imgix.net/images/Stadlandet-Ervika.jpg?auto=compress%2Cformat&fit=clip&fm=jpg&q=80&sharp=10&w=1150&s=e9dc32d5d304886ed95a5d728f8750cc 1150w, https://harvestmag.imgix.net/images/Stadlandet-Ervika.jpg?auto=compress%2Cformat&fit=clip&fm=jpg&q=80&sharp=10&w=1400&s=b4c2492de3ab2d6dab9eaa285a76672a 1400w, https://harvestmag.imgix.net/images/Stadlandet-Ervika.jpg?auto=compress%2Cformat&fit=clip&fm=jpg&q=80&sharp=10&w=1650&s=ca79de9097a379fb010d486c3fe2244b 1650w, https://harvestmag.imgix.net/images/Stadlandet-Ervika.jpg?auto=compress%2Cformat&fit=clip&fm=jpg&q=80&sharp=10&w=1800&s=c04e9a2468a8f9d372a2c1fbf9358501 1800w)
Kyrkjegarden ved Ervik kapell ligg heilt ned mot storhavet og vitnar om mange sjelsetjande historier. Havet tok. Og havet gav.
Restar frå kystfestningane som vart bygd av russiske krigsfangar under 2. verdskrig på Hovden ved Ervik og på Storeneset ved Eltvik, er viktige nasjonale minnesmerker om skjebneåra då Noreg var under okkupasjon. Områda var strategiske for overvaking av farleia rundt Stadt. På Hovden finn vi restane etter kanonstillingar, samt tunnelar og bunkerar. Også murane etter fangeleirane, som husa 120 russiske krigsfangar, er enno tydelege. På fortet på Storeneset ved Eltvik, ser ein restane etter kanonstillingar som var bygd i etasjer nedover klippeberget, og restar etter fleire bunkerar og brakker. Oppdagingsferd i dei gamle bunkarene på Storeneset var ein del av barndomens opplevingar, og enno kan ein kjenne ein gufs i ryggen frå historia når ein vandrar igjennom dei mørke grottene.
Kulturlandskapet mellom Hoddevik og Liseth er eit av dei mest verneverdige i landet, og vitnar om det levde liv i desse bygdene. Klyngetunet på Indre Fure er blant eit fåtall slike tun i Noreg, og har historie attende til 1300-talet. Den flotte sandstranda og bølgene som slår inn frå storhavet, har gjort bygda Hoddevik til eit av dei mest besøkte surfeområda i Noreg i dag.
Og nokre stadar står berre murane att etter livet som var. Som i Bolkevika, utanfor Eltvik. Ein veglaus plass, vanskeleg tilgjengeleg både til fots og sjøvegen. Grunnmurane står der og vitnar om det levde liv – og draumar som fall i grus for ei familie, då vèrgudane viste seg frå si verste side på Stadhavet.
Over alt dette, rager Vestkapp; det vestlegaste fjellplatået i landet, nesten 500 meter over Stadhavet. Fjellvidda, himmel og hav møtast brått og brutalt, og kjem oss så uendeleg nær. Vi kan kjenne på audmjukheit i slike mektige omgjevnadar.
Naturresservatet i Tungevågen. Vegen kjem til å gå opp frå bygda bakerst i biletet. Okla vindkraftverk vil altså verte næraste nabo med eit freda naturreservat og eit svært særprega fugleliv.
![](https://harvestmag.imgix.net/images/Stadlandet-Hoddevik.jpg?auto=compress%2Cformat&fit=clip&fm=jpg&q=80&sharp=10&w=400&s=51f13b1d6aaee4aece9531f6c431523f 400w, https://harvestmag.imgix.net/images/Stadlandet-Hoddevik.jpg?auto=compress%2Cformat&fit=clip&fm=jpg&q=80&sharp=10&w=650&s=f5969ab877af3f414d025e4675a49483 650w, https://harvestmag.imgix.net/images/Stadlandet-Hoddevik.jpg?auto=compress%2Cformat&fit=clip&fm=jpg&q=80&sharp=10&w=900&s=1989741414f14c116b50fea17b813160 900w, https://harvestmag.imgix.net/images/Stadlandet-Hoddevik.jpg?auto=compress%2Cformat&fit=clip&fm=jpg&q=80&sharp=10&w=1150&s=fedfa3283d50ba80174f15aa288c4371 1150w, https://harvestmag.imgix.net/images/Stadlandet-Hoddevik.jpg?auto=compress%2Cformat&fit=clip&fm=jpg&q=80&sharp=10&w=1400&s=d4f61cbb11e911577e56c039c588b574 1400w, https://harvestmag.imgix.net/images/Stadlandet-Hoddevik.jpg?auto=compress%2Cformat&fit=clip&fm=jpg&q=80&sharp=10&w=1650&s=b1cb32bc2b5a6a7d92139421718c5e11 1650w, https://harvestmag.imgix.net/images/Stadlandet-Hoddevik.jpg?auto=compress%2Cformat&fit=clip&fm=jpg&q=80&sharp=10&w=1800&s=6f751ed561912e7dc7d83f73a1dcd414 1800w)
Stranda i Hoddevik har etterkvart vorte Noregs mest kjende surfeplass. Villcamping vart forbode i somar som fylgje av enorm turist-tilstrøyming.
Ein kunne nemnt så mykje meir ved denne ikoniske halvøya. Men, det er nok til å forstå at eit slikt landskap, ein slik natur og ei slik kulturhistorie må bevarast som heilskap, utan øydeleggande inngrep. Det er med vyrdnad ein beveger seg inn i slike terreng. Men truleg er det siste somaren ein kan oppleve den ville, vakre og mektige naturen på Stadlandet urørt. Ein må undre seg over korleis Norges vassdrags- og energidirektorat (NVE) kan konkludere med at dei samla føremonane ved «Okla» er større enn ulempene! Korleis kan fleire titals høyringssvar, klager og motsegner som går imot utbygginga, ikkje verte tatt omsyn til? Korleis kan godt dokumentert fagkunnskap om dei unike verdiane knytt til landskap, biologisk mangfald og kulturminner i fjellområdet der industrianlegget planleggast bygd og på Stadhalvøya i heilskap, ignorerast av NVE? Og korleis kan NVE istaden halde fast på ei rettferdiggjering av «Okla» utifrå ein industriell verdiorden, der teknisk effektivitet og talfesta rasjonalitet har forrang?
Dei politiske målsetjingar om auka satsing på fornybar kraftproduksjon i Noreg, vert vektlagt som forsvar for oppføring av eit vindkraftverk i noko av Noreg sin mest spektakulære natur. Som forsvar for å setje kroken på døra til ein viktig del av vår felles kulturhistorie. Å ofre ein slik natur- og kulturarv i Noreg, er både kunnskap- og historielaust – og eit stort tap for framtidige generasjonar.
Tenk deg at du er ein stad på denne unike og historisk sagnomsuste halvøya; med den bratte kysten, platåa og den sjeldne floraen. Kanskje er det på Måsevatnet, ein fin junikveld i skyminga, i stillhet og fred, med fyr på bålet og nyfiska fjellørret bresande over varmen – med utsyn over hav så langt auget rekk og sola som går blodraud ned i vest. Enn om ei vakker kvinne brått openberrar seg, gjerne bak ein fin liten kuflokk. Og kanskje seier ho «du fiskar i vatnet mitt», før ho forsvinn, like raskt som ho kom. –Kanskje var det sjølvaste huldra du møtte på…… I fylgje segnene frå barndomen, fortalt av dei som var her før, vaktar ho nemleg over Stadtfjellet, buskapen og vatna på Eltvikhornet gjennom alle tider. Men utbyggjarane i Falck Renewables ser ho neppe.
![](https://harvestmag.imgix.net/images/Stadlandet-Nett-her-vil-Okla-kome.jpg?auto=compress%2Cformat&fit=clip&fm=jpg&q=80&sharp=10&w=400&s=86820878665ddf2a8617a1e2e59e89f6 400w, https://harvestmag.imgix.net/images/Stadlandet-Nett-her-vil-Okla-kome.jpg?auto=compress%2Cformat&fit=clip&fm=jpg&q=80&sharp=10&w=650&s=881fb43eab1fbad7557ca361eca81805 650w, https://harvestmag.imgix.net/images/Stadlandet-Nett-her-vil-Okla-kome.jpg?auto=compress%2Cformat&fit=clip&fm=jpg&q=80&sharp=10&w=900&s=fd40cc1f04fcbc5741a8b954bbbf5fe0 900w, https://harvestmag.imgix.net/images/Stadlandet-Nett-her-vil-Okla-kome.jpg?auto=compress%2Cformat&fit=clip&fm=jpg&q=80&sharp=10&w=1150&s=b5d9272de6f8dbd60799d2e1019c4a13 1150w, https://harvestmag.imgix.net/images/Stadlandet-Nett-her-vil-Okla-kome.jpg?auto=compress%2Cformat&fit=clip&fm=jpg&q=80&sharp=10&w=1400&s=9d1af3bf7cdede884c7f7498c76f5376 1400w, https://harvestmag.imgix.net/images/Stadlandet-Nett-her-vil-Okla-kome.jpg?auto=compress%2Cformat&fit=clip&fm=jpg&q=80&sharp=10&w=1650&s=e991e2dbe6075ddf95834f4608eb6bfe 1650w, https://harvestmag.imgix.net/images/Stadlandet-Nett-her-vil-Okla-kome.jpg?auto=compress%2Cformat&fit=clip&fm=jpg&q=80&sharp=10&w=1800&s=8645f0358a5cfd98e1a2769471ff7284 1800w)
Høgdedraget der dei fem turbinane skal byggjast. Grøtrøysvatnet ligg i sentrum av biletet. «Okla» vil kome på flata rett over bakkehellinga. Vegen til anlegget skal sprengast fram i eit landskap av internasjonal tyding. Vegen må ha store dimensjonar som fylgje av turbinane si lengde. Landskapet kan sjølvsagt aldri tilbakeførast til si opphavelege form – sjølv om utbyggjar hevdar dette.