Frå fristaden Christiania til landsbygda i Telemark

I 1983 kom eit følgje med fire unge par frå fristaden Christiania i København, med hest og prærievogner oppover vegane i Telemark. Dei stoppa i Tinn og fann heimar i fråflytta hus, dyrka jorda på gamlemåten, og fekk born. Dei fleste reiste vidare, men Gaby Larsen og Rupert Derben vart verande i Austbygde. I dag, nær 40 år etter, driv dei framleis tradisjonell gardsdrift, men er óg vertskap for andre reisande - og søkande menneske.

Ein smal kjerreveg med gras i midten, blomsterenger med surrande insekt, hesjer i bratte lier, ein ange av geiter. Eg veit dei ikkje er glad i bilar og har rygga sakte inn og parkerer framfor porten til Skifterud gård i Tessungdalen. Her skal vi tilbringe ein dag saman med vertskapet og ei natt i ein tipi.

(artikkelen fortsetter)